Шампионот на Франција, ПСЖ има намера да го продолжи договорот со аргентинскиот напаѓач Лионел Меси. Актуелниот договор на Аргентинецот истекува во летото 2023 година, но раководството на парижаните веќе ги известило претставниците на фудбалерот дека сакаат да ја продолжат соработката за уште една сезона, до 2024 година.
Според изворот, Меси ќе донесе одлука за својата иднина во ПСЖ по Светското првенство во Катар во 2022 година. Тој сака да ја процени својата психолошка и физичка состојба во тој момент.
ПСЖ верува дека по првата сезона на адаптација, Меси ќе може го покаже целиот свој раскош и квалитет веќе оваа сезона. Дополнително, присуството на Меси во таборот на парижани е корисно за клубот и од економски аспект, затоа што ПСЖ по доаѓањето на Меси потпиша 10 нови спонзорски договори.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
