Работнички без проблеми прокнижи нови бодови на прволигашката табела, откако попладнево славеше на гостувањето против вториот тим на МЗТ Скопје со резултат 72-89. За разлика од првиот меч, што „центарци“ го добија со преубедливи 103-58, овојпат младиот состав на МЗТ многу посолидно му парираше на актуелниот вицепрвак.
„Црвено-белите“ наметнаа силно темпо од самиот почеток, ја добија првата четвртина со 13-23. Домаќините во 18. минута израмнија на 33-33, но тоа беше се што избраниците на тренерот Крстевски успеаја да сторат, Работнички повторно влезе во ритам и не дозволи победата да биде доведена во прашање.
Лесколт со 26 поени беше прв стрелец на Работнички, 18 поени постигна Бенџамин, додека во домашниот состав најефикасни беа Митевски со 17 и Тодоровски со 16 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
