Македонскиот прволигаш Работнички доведе уште едно засилување во своите редови. Нов играч на „романтичарите“ е Виктор Велкоски. 23-годишниот играч за врска потпиша едногодишен договор со клубот од Дебар Маало и треба да ја зголеми конкуренцијата во средниот ред. Тој веќе му е на располагање на шефот на стручниот штаб Александар Влахо.
Виктор Велкоски има 23 години, игра на позицијата дефанзивен играч за врска, а по потреба може да се снајде и во одбранбениот ред. Последните шест месеци ги мина во грчкиот клуб Егиниакос како интернационалец, а претходно беше дел од Вардар, Пелистер, Љубанци и Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
