Работнички нема пораз оваа пролет, иако доживеа елиминација во Купот од Шкендија. Тренерот Ратко Достаниќ најави дека приоритет е да се продолжи пролетната низа на позитивни резултати, а секој натпревар е нов предизвик. На арената „Тодор Проески“ денеска (13 часот) ќе гостува составот на Академија Пандев кој има промена на тренерската позиција.
Александар Таневски ќе дебитира на кормилото на „пандевци“ и ќе го наследи Југослав Тренчовски. Струмичани се надеваат дека промената ќе донесе и крај на резултатската летаргија.
„Голема чест е да се биде тренер на Академија Пандев, можам да ветам напорна работа и се надевам дека тоа ќе донесе подобри резултати во периодот што следи“, истакна Таневски во пресрет на денешниот дуел.
Другите натпревари од 22.коло ќе бидат одиграни утре, Вардар гостува кај Ренова, а Шкендија исто така е гостин на Борец во Велес. Сите мечеви ќе се одиграат без присуство на публика поради мерките за безбедност од коронавирусот.
ДВОЈКИ ПРВА ЛИГА, 22.КОЛО
РАБОТНИЧКИ – АКАДЕМИЈА ПАНДЕВ (денеска, 13 часот)
РЕНОВА – ВАРДАР (утре, 13 часот)
БОРЕЦ – ШКЕНДИЈА (утре, 14 часот)
СИЛЕКС – МАКЕДОНИЈА ЃП
СТРУГА ТЛ – ШКУПИ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
