Македонскиот прволигаш Работнички го доведе и второто засилување во зимскиот преоден рок. По Бугаринот Николај Дилгеров, во редовите на „романтичарите“ пристигнува и бразилскиот напаѓач Аусерио. 25-годишниот офанзивен фудбалер игра на централната напаѓачка позиција, но исто така може добро да се снајде и по крилните позиции. Тој доаѓа од бразилскиот клуб Гремио Еспортиво Анаполис, а има интернационално искуство и од Бахреин.
Тренерот Жикица Тасевски и раководството на клубот одлучија да направат одредени промени во тимот, досега од Дебар Маало заминаа шест фудбалери, меѓу кои и капитенот Остоја Стјепановиќ. Најавите се дека ќе пристигнат уште неколку нови засилувања до првата прозивка и стартот на зимските подготовки, која е закажана за 8 јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА