Актуелниот шампион Работнички оствари убедлива победа над Гостивар (99-70) иако мечот како домаќин го одигра на наутрален терен во Куманово. Избраниците на Марин Докузовски уште од почетокот тргнаа фуриозно, го добија првиот период со 28-19, а на полувреме веќе имаа 19 поени предност (58-39). До крајот, се беше само рутина за составот од Градски Парк.
Чавдар Костов со 28 поени и Ѓорѓи Чековски со 20 поени беа предводници во тимот на Работнички на овој меч. Кај Гостивар, Тенксли Ефианаи и Диме Тасовски постигнаа по 12 поени.
Работнички со 23 победи и пет порази во моментот се наоѓа на второто место на табелата во Суперлигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
