Бугарскиот интернационалец Емил Вијачки е најновото засилување за Работнички за пролетниот дел од шампионатот во Првата македонска фудбалска лига.
28-годишниот централен дефанзивец во редовите на „романтичарите“ доаѓа од Локомотив Софија а на македонскиот тим ќе се приклучи уште на денешниот прв собир пред стартот на зимските подготовки. Вијачки во дресот на Локомотив Софија одигра 72 натпревари за три сезони, притоа постигнувајќи и седум погодоци. Претходно во својата кариера има настапи и за Марек Дупница и Пирин Благоевград.
На првата прозивка на стратегот Жикица Тасевски денеска треба да се јават и крилниот офанзивец Дејан Блажевски кој доаѓа од Тирана, како и Бразилецот Жунињо Кабрал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
