Стартот на кошаркарската Супер-лига донесе извонредна прва четвртина на премиерниот дуел меѓу МЗТ Скопје и Куманово, со рекордни 12 тројки постигнати во една четвртина.
Кошаркарите на двата тима беа максимално расположени за игра, па така „металците“ погодија пет тројки од исто толку обиди (Стојановски и Пенов по две, Нешовиќ една), додека на спротивната страна кумановци беа прецизни дури седум пати за десет минути (Мекиќ и Ковач по две, Ѓекиќ, Караколев и Јанески по една тројка).
МЗТ Скопје по првите десет минути има водство од 29-27, но Куманово со одлично шутерско шоу не се откажуваат лесно на дуелот со шампионот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
