Македонската ракометна репрезентација го имаше првиот собир пред бараж двомечот против репрезентацијата на Чешка за пласман на Светското првенство кое во 2023 година ќе се игра во Полска и Шведска.
Селекторот Лазаров ги немаше сите ракометари од списокот вечерва на располагање. Се работи за бундеслигашите Миркуловски, Кузмановски и Пешевски, како и голманот Никола Митревски од Порто кои имаат обврски кон своите клубови викендов.
Македонија денешниот и утрешниот тренинг ќе ги одработи во салата во Автокоманда, а од понеделник ракометарите се селат во „Борис Трајковски“.
Првиот дуел со Чешка нашите репрезентативци го играат во среда во Злин, додека реваншот е закажан за 17. април во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
