Ракометарите на Еурофарм Пелистер се вакцинираа пред почетокот на сезоната

Комплетната екипа на Еурофарм Пелистер изврши имунизација на ковид-19 по утринскиот тренинг, денес напладне во вакциналниот центар во Битола, во спортската сала „Јован Калаузи“. Ракометарите и стручниот штаб ја примија првата вакцина, а ревакцинацијата е закажана за 24 август. Клубот во соработка со здравствените власти комплетно ја обезбеди и организираше имунизацијата. РК Еурофарм Пелистер изразува благодарност до здравствените власти за соработката и поддршката.

По консултацииите со здравствените работници, ракометарите добија слободни денови и в четврток им се враќаат на тренинзите. В петок пелистерци заминуваат на викенд во Маврово, каде ќе одиграат два контролни натпревари против Еурофарм Пелистер 2 (од неделата се подготвува во Маврово) и Металург (денеска замина на подготовки).

Сите ракометари освен Марио Танкоски, кој заздравува од повредата, тренираат во група, под будното око на стручниот штаб.

Се вчитува...