Ракометната репрезентација на Македонија ќе настапи со нови дресови од брендот „Хумел“ на претстојното СП што на 10 јануари стартува во Данска и во Германија.
Ракометната Федерација на Македонија најави дека промоцијата на новиот дрес, под мотото „Со нов дрес до нови победи“, ќе се случи на 3 јануари (четвток) во 14 часот, во продавницата „Д-спортска опрема“ на Националната Арена „Филип Втори“ во Скопје. На настанот ќе се обратат преставници на Ракометната Федерација на Македонија, селекторот Раул Гонзалес и капитенот на нациналниот тим Кире Лазаров.
Присутни ќе бидат и репрезентативците кои на дресовите што ќе се продаваат по промотивни цени ќе ги стават своите автограми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
