Рома објави официјално извинување за играчот на Сампдорија, Роналдо Виера, кој беше жртва на расистички испад на навивачите на римскиот состав за време на пресметката од викенд колото во Серија А.
„Ги слушнав, но не сакам да зборувам за тоа. Ова пречесто се случува, а едноставно не треба да биде така“ – изјави У21 репрезентативецот на Англија и поранешен играч на Лидс.
Ова е најновиот во серијата навивачки инциденти поврзани со расизам за време на фудбалските натпревари во Италија. Рома дури и суспендираше еден навивач кој расистички го навредуваше Хуан Хесус на социјалните мрежи.
„Му се извинуваме на Роналдо Виера за расистичките извици кон него. Рома не толерира расизам во никаква форма и клубот ги поддржува институциите во идентификувањето и суспензијата на лицата кои ќе бидат пронајдени за виновни во овој случај“ – стои во соопштението на Рома.
AS Roma would like to apologise to Ronaldo Vieira for the racist boos he was subjected to. Roma does not tolerate racism of any kind and the club will support the authorities in identifying and subsequently banning any individuals found guilty of racially abusing the midfielder.
— AS Roma English (@ASRomaEN) October 20, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА