Претпоследниот ден на Зимските олимписки игри во Пекинг ни донесе доделување на медали во вкупно девет дисциплини.
На врвот Норвежаните остануваат убедливо први со вкупно 15 златни одличја што е рекорд на едни Зимски олимписки игри. Второто место се уште го држи Германија која и повеќе од сигурно е дека и по последниот ден ќе остане на оваа позиција. 11. злато за Германците денеска го донесе Лаура Нолте во боб-двосед.
Единствена промена на врвот има на третата позиција. Таму домаќинот Кина ги потисна Соединетите Американски Држави. Парот во уметничко лизгање во спортски двојки, Чонг Хан и Венџинг Суи го донесе деветото злато за Кинезите, кои сега имаат едно повеќе од Американците.
На последниот ден медали ќе бидат доделени во пет дисциплини. Крос-кантри, боб-четворосед, тимскиот натпревар во алпско скијање, карлинг и хокеј.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
