ЕКИПА во Келн,
Симон Котларов
Вардар ја остави шампионската круна. Ја турна од главите на вардарци Монпелје, францускиот тим кој дојде како аутсајдер, но одигра одлично и успеа да слави со 28-27.
Тренерот Раул Гонзалес вели дека Вардар не одигра цврста одбрана, тоа што беше карактеристично за нашиот тим во изминатиот дел од Лигата на шампионите, како и на минатиот Ф4 турнир.
„Потфрливме во некои делови од играта, посебно во одбраната во првиот дел од натпреварот. Исто така не бевме на потребното ниво и во нападот. За разлика од нас, Монпелје беше фантастичен и ги искористи сите наши слабости. Се обидовме да се вратиме во вториот дел, но не успеавме да направиме целосен пресврт. Сите очекуваа дуел Вардар – ПСЖ, и ќе го добијат, но ниту ние, а верувам ниту тие, не сакавме да играме за третото место. Следната сезона ќе бидам во Франција, а се покажа дека тоа е убедливо најквалитетната лига во светот на ракометот во овој момент“, истакна Раул Гонзалес на прес – конференцијата по мечот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА