Веќе подолго време се зборува за иднината на Пол Погба, а иако пред два дена излезе информација дека Манчестер Јунајтед планира да го направи Французинот најплатен играч во Премиер лигата, денеска пристигна нова вест од Шпанија.
„Марка“ тврди дека на повидок е спектакуларна разамена меѓу Јунајтед и Реал Мадрид со тоа што играчот од средниот ред ќе се упати кон Шпанија, а во спротивна насока ќе тргне неговиот сонародник Рафаел Варан. Двајцата во моментов се наоѓаат со француската репрезентација на Европското првенство и заедно со фановите на двата клуба, го очекуваат расплетот.
Реал одамна е заинтересиран за Погба и сега гледа можност за остварување на долгогодишната желба, но на клупата повеќе не е Зидан кој најмногу инсистираше на негов трансфер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
