Реал Мадрид се надева на договор со ПСЖ за напаѓачот Килијан Мбапе до крајот на 31 август, а притоа Карло Анчелоти сака да им пронајде нови тимови на Лука Јовиќ и Мариано Дијаз. Сега уште еднаш Мариано одби да ја прифати понудата од друг тим и сака да остане во Реал Мадрид, и покрај фактот дека за две сезони настапи на само 29 меча.
Поради тоа што „кралевите“ имаат потешкотии со Дијаз, Реал ќе се обиде да се ослободи од Јовиќ, кој не е во плановите на Анчелоти. Реал Мадрид останува оптимист за епилогот околу Јовиќ, кој би можеле да го испратат на позајмица, а еден од заинтересираните клубови е Милан, иако тие веќе го ангажираа Оливие Жиру.
„Кралевите“ во овој летен трансфер период немаат засилување во нападот, па најпосакуван е младиот напаѓач на ПСЖ, па според шпанските медиуми, претседателот на Реал, Флорентино Перез е подготвен да направи се’ за ангажман на Французинот до крајот на ова лето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
