Белгискиот интернационалец Еден Азар во летниот преоден рок ќе направи мегатрансфер во Реал Мадрид. „Кралскиот клуб“ ќе плати отштета од 170 милиони евра и ќе дозволи Матео Ковачиќ комплетно да се пресели на „Стемфорд бриџ“. Оваа бомбастична информација ја лиферуваше медиумот „Onda Madrid“, кој ја потенцира решеноста на Флорентино Перез да го реновира тимот по завршувањето на оваа сезона.
Челси се обидува да го задржи Азар со зголемување на неделната плата на 335.000 фунти, но Белгиецот веќе подолг период ја истакнува својата желба да се пресели на „Сантијаго Бернабеу“. Тој изјави дека сигурно нема да си замине од Лондон оваа зима, но тоа не може да го гарантира и за летниот преоден рок. Ова е јасен сигнал за Реал Мадрид да тргне во офанзива за негов ангажман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
