Лука Модриќ дефинитивно е еден од најдобрите фудбалери на Реал Мадрид во тековната сезона. Токму асистенцијата на Хрватот беше инспирација за кам-бекот и големата победа над Челси во рамки на четвртфиналето од Лигата на шампионите.
Фудбалерот за врска сака да остане во шпанската престолнина. Но, ништо не е сигурно кога е во прашање Флорентино Перез, па деновиве на големо се шпекулира за иднината на ветеранот.
Хрватот има 36 години и се наоѓа во завршниот дел од кариерата. Добрата форма е причина да се верува дека ќе добие шанса да игра барем уште една година меѓу „кралевите“. Меѓутоа на маса неговиот агент има понуди од Катар и Јувентус.
Наводно, Модриќ одбил опција да се пресели во азискиот фудбал, но и натаму не дал одговор за потенцијалната преселба во Торино.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
