Искористувајќи ја паузата поради репрезентативните активности, прволигашот Шкупи одигра пријателски натпревар денеска на стадионот Чаир во Скопје ремизирајќи со второлигашот Борец од Велес.
Мечот во Чаир заврши без победник (2-2) откако за домашните погодија Баже Илијоски и Муарем Бајрами, додека на спротивната страна за велешани стрелаа Андреј Ричков и Симеон Христов.
Новиот тренер на Шкупи, Умут Каран ја искористи контролата за проверка на поголемиот дел расположиви фудбалери пред продолжението на сезоната во која чаирчани негуваат амбиции и за европски излез. Борец, пак, е сигурен лидер во Втората лига – Исток отворено нагласувајќи ја желбата за прволигашки статус од следната сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
