Македонската фудбалска репрезентација попладнево со чартер лет од Виена се врати во Скопје по квалификацискиот натпревар со Австрија кој синоќа го загуби со 2-1 на „Ернст Хапел“.
Репрезентативците денеска, веднаш по пристигнувањето, ги продолжуваат подготовките за последниот квалификациски дуел против Израел кој не очекува во вторник со почеток од 20:45 часот на арената „Тодор Проески“ во Скопје.
Селекторот Игор Ангеловски по неколкучасовен одмор за репрезентативците ќе сервира тренинг вечерва од 18:30 часот на арената „Тодор Проески“. Последниот официјален тренинг пред дуелот со Израелците ќе биде одработен утре од 10:30 часот на тренинг центарот „Петар Милошевски“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
