Капитенот на фудбалската репрезентација на Македонија во емотивно интервју за хрватскиот „јутарњи лист“ говореше за македонскиот фудбал.
Тој вели дека фудбалот во Македонија е „колку пари – толку музика“ и дека не знаеме да ја чуваме традицијата и брендовите како што е Вардар.
„Македонскиот фудбал не е сјаен, што се вели – колку пари-толку музика! Фудбалот денеска е голем бизнис, а во Македонија стагнира инфраструктурата. Се надевам дека ќе дојдат и кај нас нашите пет минути. Ете, Вардар пред неколку години играше групи во Лига Европа, а сега е во втора лига и многу ми е жал за тоа. Не знаеме да ја чуваме традицијата, не знаеме да чуваме бренд. Многу клубови, кошаркарски, ракометни, фудбалски – пропаѓаат. Мора да си одите од Македонија за да станете фудбалер и во овој момент не гледам во кој клуб може подолго да останете. Динамо е пример како треба да се работи“, вели Ристовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА