Македонскиот фудбалски репрезентативец Стефан Ристовски сведочешње на суд во Лисабон за страшниот инцидент што се случи во мај, кога триесетина ултраси упаднаа во тренинг-базата на клубот и нападнаа дел од фудбалерите.
„Имам страв до денешен ден после тој инцидент. Живеам во страв дека после секој пораз, може да се повтори истото. Влегоа неколку навивачи со маски на лицето , ја пробија вратата од соблекувалната и викаа гласно… „ќе ве убиеме сите. Акуња и Батаља беа на таа страна. Акуња го удрија во главата, фрлаа, се закануваа и повторуваа „имајте почит“, „мора да играте подобро“, „ова е последна шанса, ние ќе ви пресудиме“. Беше страшно, бевме затворени внатре, сите со рацете над глава за да се спасиме од удари. Едвај излеговме надвор по час и половина, во групи, не сакавме ниту еден соиграч. По овој инцидент живеевме во страв, јас се преселив во хотел, а семејството го пратив во Македонија“, изјавил Ристовски, а пренесува „А Бола“.
Најавите од Португалија велат дека Стефан Ристовски би можел да си замине од Спортинг Лисабон на крајот од сезоната и да се врати во Италија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
