Рома официјално објави дека го продолжи договорот со играчот од средниот ред Леандро Паредес . Договорот на светскиот шампион со Аргентина истекуваше на лето, но беше обновен на уште една година до 2026 година.
Паредес е во својот втор мандат на Олимпико, првиот беше помеѓу 2014 и 2017 година, по што се врати во клубот во летото 2023 година. Вкупно, играчот од средниот ред одигра 129 натпревари за „волчицата“, постигнувајќи 10 гола и 11 асистенции. Сезонава одигра 27 натпревари на кои постигна 1 гол и 2 асистенции.
Новиот договор на 30-годишниот играч вклучува посебна клаузула поврзана со Бока Јуниорс . Во него се наведува дека доколку се добие писмена понуда за Паредес во износ од 3,5 милиони евра од аргентинскиот гигант, Рома дефинитивно мора да го прифати.
Во текот на зимата се шпекулираше дека искусниот фудбалер ќе се врати во својот матичен клуб, но тогаш тоа не се случи токму поради новиот договор кој го подготвуваше со Рома.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
