Кристијано Роналдо е привремено суспендиран од португалската репрезентација, откако на 30 септември ненадејно го напушти националниот камп пред натпреварот со Данска, пренесуваат медиумите од оваа држава.
Според членот 160 од Дисциплинскиот правилник на Португалската фудбалска федерација, неоправданото напуштање на тимот или непројавувањето на тренинзи и натпревари повлекува сериозни санкции. Фудбалската ѕвезда се соочува со потенцијална забрана за настап во времетраење од еден до шест месеци, како и со парична казна меѓу 510 и 1.020 евра. Дисциплинската постапка е во тек, а јавноста со нестрпливост ја очекува официјалната завршница и одлуката на федерацијата за судбината на капитенот.
Дисциплинската комисија се очекува да донесе одлука во најкус можен рок. Бидејќи привремената суспензија веќе е во тек, постои можност Роналдо да биде повторно на располагање на селекторот за ноемврискиот репрезентативен циклус.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
