Роналдо пристигна на проба во македонскиот прволигаш Работнички. Носи славно име, но еквадорскиот интернационалец Роналдо Алдаир Вилја Лара ќе има неколку дена да покаже квалитет и да добие договор со „романтичарите“. Тој има 21 година и настапува на левата крилна позиција, а досегашен негов клуб е Клан Јувенил.
Работнички оваа зима значително се засили, доведе осум нови имиња во составот, а последното е дефанзивецот Стојан Стојчевски. И Роналдо ќе добие своја шанса, можеби уште на денешниот пријателски натпревар против Поханг стилерс кој е закажан за 12.30 часот по македонско време во Анталија. Првиот тест со грузискиот состав Сабуртало, тимот на Жикица Тасевски го доби со 2-1, со двата гола на Баже Илијоски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА