Две бразилски фудбалски легенди, Роналдо и Роберто Карлос, ги здружија силите надвор од терените за да станат сопственици на тим од нивната татковина кој има 100-годишна традиција.
Поранешните фудбалери се дел од групата инвеститори во која е саудискиот принц Абдула бин Саад бин Абдулазиз Ал Сауд, која сака да купи 80 отсто од акциите на бразилскиот тим Интер де Лимиера.
Станува збор за тим кој има 100-годишна традиција, а моментно се натпреварува во третата бразилска лига.
Планот на новите сопственици е да инвестираат 75 милиони евра во наредните десет години во модернизација на инфраструктурата, во развој на младите таленти со цел враќање на клубот во првата бразилска лига.
Интер де Лимиера е формиран во 1912 година, а најголемиот успех го имаше во 1986 година кога триумфира во шампионатот Паулиста притоа во финалето победувајќи го Палмеирас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
