Кристијано Роналдо првпат јавно зборуваше за обвинувањата за силување на манекенката Кетрин Мајорга. На прес конференцијата во пресрет на дуелот од Лигата на шампионите меѓу Јувентус и Манчестер Јунајтед, првото прашање што го доби беше токму на оваа тема.
„Нема да лажам. Задоволен сум. Моите адвокати се уверени, а и јас сум сигурен во успех. Уживам во фудбалот, а за се останато имам луѓе кои се грижат. Вистината секогаш излегува на виделина“ – рече Португалецот.
Обвинувањата доаѓаат по девет години од настанот во Лас Вегас за кој Мајорга тврди дека бил силување, а за Роналдо дека сексуалниот однос бил со согласност.
Прес конференцијата на Роналдо предизвика огромно внимание. Тој на неа порача дека Јувентус ќе го победи Манчестер Јуанјтед, а имаше и емотивна порака со благодарност со Алекс Фергусон.
Дуелот меѓу Манчестер Јунајтед и Јувентус од третото коло во груната фаза е закажан за утревечер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
