Спортскиот директорот на Ф1, Рос Браун, смета дека Формула 1 треба да се стреми кон квалитет, покрај квантитетот кога станува збор за зголемувањето на трките во календарот. Сезонава во Ф1 шампионатот ќе се вози 21 трка, а „Либерти Медиа“ најавија дека има тенденција на подолг рок, бројката да се зголеми на 25.
„Најважен е квалитетот на натпреварувањето. Нема полза од тоа само да го зголемуваме бројот“ – изјави Рос Браун.
Спортскиот директор на Ф1 исто така јавно ја сподели и идејата за воведување на рејтинг систем, според кој треба да се оценуваат трките. Добро организирани, интересни и успешни гтрки ќе добиваат повеќе поени, за сметка на оние кои потфрлиле по овие ставки.
„Со време може да се формира и листа на чекање, на која најдобрите патеки и промотори че се натпреваруваат за влез во календарот на Ф1. Во таква ситуација ќе може да ги отстраниме оние кои не ги исполнуваат условите и да им дадеме шанса на нови“ – објасни Рос Браун.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
