Првиот човек на Баерн Минхен, Карл-Хајнц Румениге потврди позитивни вести околу продолжувањето на Бундеслигата.
Баварците вчера ги продолжија тренинзите, работејќи пооделно во мали групи, а Румениге денеска информираше дека можно е првенството да продолжи на 9. мај.
„Тренираме во помали групи и ги почитуваме сите здравствени протоколи. Веќе се зборува дека на 9. мај ќе продолжи лигата и ние како клуб тоа секако го поддржуваме. Нашиот став е јасен дека сакаме што побрзо да се продолжи со натпреварувањето, од спортски и од економски причини“ – вели Румениге, и дополнува:
„Датумот е определен, но чекаме зелено светло од германската влада. Мора да продолжиме затоа што ТВ правата имаат огромно влијание околу функционирањето на клубовите. Без тие средства не можеме да функционираме“.
Речиси е извесно дека Германците меѓу првите ќе продолжат со сезоната, а веднаш до нив со старт на фудбалските активности се и Данска и Норвешка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
