Франција и Русија ремизираа 28-28 во натпревар од второто коло во главната рунда на Европското ракометно првенство. Русинките подобро го отворија мечот и ја диктираа играта во текот на првите 30 минути, по што на пауза заминаа со предност од 19-16.
Сепак, во вториот дел Французинките заиграа далеку подобро и предводени од поранешната вардарка, Амандин Лејно успеаја да се вратат во мечот и во последните 30 секунди да влезат со предност од еден гол (28-27). Сепак, Русинките реализираа во последниот напад со што двете репрезентации поделија по еден бод кој ги однесе чекор до полуфиналето.
Двете репрезентации се на врвот на табелата во групата 1 и до крајот на главната рунда им е потребен само еден „кикс“ на Данска како би се нашле меѓу четирите најдобри на стариот континент.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА