Јувентус би можел да ги обнови преговорите со Душан Влаховиќ за продолжување на договорот по очекуваната промена во раководната структура на клубот, објави „Газета дело Спорт“.
Нов извршен директор на клубот од Торино стана Џовани Карневали, кој го наследи Дамиен Комоли, а се наведува дека тој не ја исклучува можноста за пресврт во преговорите со Србинот.
Претходните преговори меѓу Јувентус и Влаховиќ не доведоа до договор, бидејќи на српскиот напаѓач му беше понуден договор вреден 6.000.000 евра по сезона со бонуси.
Во последната сезона, според постојниот договор, Влаховиќ заработил вкупно околу 12.000.000 евра, вклучувајќи ги и дополнителните бонуси.
„Газета дело Спорт“ наведува дека Карневали е подготвен да разгледа финансиска рамка до вкупно 16.000.000 евра, вклучувајќи плата, бонуси за потпишување и други договорни ставки, што е значително повеќе од ограничувањето на претходниот директор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
