Италијанскиот првак Јувентус има преголем фонд на фудбалери во професионалниот состав и раководството на клубот го притиска тренерот Маурицио Сари да го скрати списокот. Во зимскиот преоден рок најмалку тројца фудбалери ќе мора да си заминат.
Медиумите на Апенините ги открија и нивните имиња. Марио Манџукиќ не се вклопува во концепцијата на Сари и требаше да си замине уште ова лето, но неколку обиди за трансфер му пропаднаа. Имаше опции да замине и во Англија и во Германија, на крајот доби понуда и од Катар, но реши да остане во Торино до зимскиот преоден рок.
Вториот Хрват Марко Пјаца е исто така меѓу фудбалерите кои ќе треба да заминат. Тој најверојатно ќе оди на позајмица во некој друг италијански клуб. Торино ќе мора да го напушти и голманот Матија Перин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
