Се одложува мечот на Вардар и со ПИК Сегед!? Цел тим на Унгарците повторно во карантин

Откако претходно беше одложен натпреварот на Вардар со норвешки Елверум во Лигата на шампионите, пред одложување е и дуелот со унгарски ПИК Сегед кој „вардарци“ треба да го играат на 1. октомври на гостински терен.

Комплетниот тим на ПИК Сегед е во целосен карантин поради нов позитивен случај на Ковид-19 по натпреварот со Кјелце.

Унгарците имаа шест позитивни ракометари на коронавирусот уште пред дуелот со Кјелце, но и по тој меч на најновите тестирање утврдени се нови позитивни поради што целиот тим е во изолација, се до новите тестирања на сите ракометари.

Од ПИК Сегед веќе ги информирале и Вардар и ЕХФ за најновата ситуација, поради што запрена е и продажбата на билетите за 1. октомври, поради што апсолутно е неизвесно одигрувањето на натпреварот во овој термин.

Се вчитува...