Шпанија е актуелен светски шампион откако на неодамна завршениот Мундијал 2026 славеше по продолженијата со Аргентина.
А, честа да го суди ова финале му припадна на словенечкиот судија Славко Винчиќ кој одлично ја заврши работата.
Од самиот почеток, „гаучосите“ влегоа во финалето доста жестоко и покажаа дека повеќе се фокусираа на физичката пресметка со Шпанците отколку на желбата да го загрозат голот на противникот.
По завршувањето на натпреварот, имаше и физичка пресметка предизвикана од Аргентинците, за која некои од нив сигурно ќе бидат казнети откако ФИФА ќе ја заврши својата истрага.
Најкритикуван беше Леандро Паредес, кој влезе на теренот на полувремето, а потоа почна да ги „тепа“ Шпанците. Паредес беше тој што ја започна тепачката на крајот од натпреварот кога го зграпчи Ерик Гарсија за вратот, го турна Гави и почна да ги удира со рацете.
Винчиќ сфати дека Паредес е „темпирана бомба“ кратко по почетокот на второто полувреме, кога имаше неколку бурни стартови, поради што му даде жолт картон веќе во 52. минута.
Се појави и видео на кое се гледа дека Винчиќ го молел Меси во речиси секој разговор до крајот на натпреварот да обрне внимание на Паредес и да се обиде да го смири.
„Меси, контролирај го Паредес. Тој има жолт картон. Те молам контролирај го. Секогаш, секогаш ти мора да страдаш поради него“, му рекол Винчиќ на капитенот на Аргентина.
🚨🚨 𝗡𝗘𝗪 𝗙𝗢𝗢𝗧𝗔𝗚𝗘: FIFA released a SHOCKING video from referee’s cam AGAINST Infantino’s wishes.
Slavko Vinčić 🗣️: “Messi control Paredes, control Paredes, he has yellow, I don’t wanna send him off.” 🤯
Was it really set up to favour Argentina? 🤔…
— 𝐓𝐌 𝐅Ú𝐓𝐁𝐎𝐋 (@TMfutbal) August 16, 2026
Дека Словенецот бил во право се виде по натпреварот кога грубиот Паредес создаде целосен хаос на теренот, поради што ФИФА покрена дисциплинска постапка против него.
Аргентинците го завршија финалето и со еден играч помалку кога Енцо Фернандес беше исклучен во судиското продолжение поради вториот жолт картон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
