Претседателот на Фудбалската федерација на Македонија, Муамед Сејдини им посака многу среќа на клубовите во новата сезона од Првата македонска фудбалска лига. Сејдини пред денешната ждрепка за двојките во новата сезона, истакна дека клубовите се столбот на федерацијата поради што ФФМ апсолутно и во иднина ќе продолжи со максимална поддршка како единствен начин за унапредување на фудбалската игра на домашната сцена.
„Вие сте столбот на федерацијата и затоа е нашата определба комплетните ресурси да ги насочиме како ваш сервис за создавање што подобри услови за работа. Сакам да ви посакам успешна сезона, посакувам позитивна фудбалска атмосфера на сите стадиони, фер-плеј и квалитетен фудбал“ – истакна претседателот Сејдини, притоа заблагодарувајќи се на сите кои овозможија постигнување договор со Арена Спорт за емитување на натпреварите од Првата лига.
„Јавно се заблагодарувам на спортската редакција на МТВ која допринесе да се постигне договор со Арена Спорт за емитување на натпреварите од Првата лига. Сето тоа многу значи за промоцијата на фудбалот и во регионот, сето тоа многу значи и за клубовите, и верувам ќе допринесе за подигнување на квалитативното ниво на фудбалот“ – истакна Сејдини.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
