Македонскиот борач Елмедин Сејфулаху го освои сребрениот медал на Балканското првенство за јуниори во борење слободен стил во Бурса, Турција.
Сејфулаху, во категоријата до 60 килограми во финалето беше поразен од европскиот вицешампион Микјај Наим од Бугарија со 5-15.
Сребрениот медал е без сомнение голем успех за македонскиот борач до кој стигна во исклучително силна конкуренција.
До финалето, Сејфулаху извојува три победи против Турчинот Алдоглу со 8-3, Гани Халили од Косово 8-0 и против Норберт Молнос од Романија славеше со 8-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА