Селекторот на Исланд, Гудмунд Гудмундсон се одлучи да ги промени двајцата голмани за неделниот натпревар против Македонија во Скопје.
Гудмундсон и по синоќешниот пораз (33-34) од македонската репрезентација во Рејкјавик истакна незадоволство од начинот на кој двајцата голмани го чувале голот, па сега се одлучи дома да ги остави Бјоргвин Густавсон и Арон Едвардсон а на нивно место во Скопје ќе бидат Агуст Бјоргвинсон и Виктор Халгримсон.
Бјоргвинсон, кој е член на шведски Савехоф, беше дел од селекцијата на Исланд на ЕП 2018 и СП 2019, додека 18-годишниот Халгримсон е член на Фрам и сега ги бележи првите настапи во националниот тим.
Исланд во Скопје доаѓа во текот на утрешниот ден. Квалификацискиот натпревар за пласман на ЕП 2020 против Македонија се игра в недела (14. април) од 18 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА