Втората носителка на Ролан Гарос, Каролина Плишкова од Чешка доживеа елиминација во третото коло од Петра Мартиќ од Хрватска. Хрватската тенисерка беше подобра во текот на целиот меч, а до победата стигна за 1 часи и 27 минути игра со идентични 6-3 во двата сета.
Мартиќ во осминафиналето ја чека подобрата од мечот меѓу Русинката Кудерметова и Каја Канепи од Естонија. Во осминафиналето во женска конкуренција пласман обезбедија и Анастасија Севастова од Летонија која во маратонски меч со 2-1 ((6-7, 6-4 и 11-9) беше подобра од Белгијката Мертенс, како и Маркета Вондрушова од Чешка која ја совлада Суарез Наваро од Шпанија.
Кај машките се уште нема комплетирано меч од третото коло, а на терените во Париз, настап ќе имаат Рафаел Надал и Роџер Федерер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
