Машката шаховска репрезентација загуби од Молдавија во 2. коло на Олимпијадата во Батуми, Грузија.
По триумфот од 4-0 над Брунеи на стартот, македонските шахисти загубија од Молдавија со 1,5-2,5. ВМ Кирил Георгиев ја запиша единствената победа на првата табла против ВМ Бологан, на четвртата табла ремизираше ВМ Трајко Недев, а загубија на втората и третата табла ВМ Владимир Георгиев и ИМ Филип Панчевски.
Во второто коло нови победи запишаа главните фаворити за највисок пласман, Русија, Израел, Франција, Полска, Холандија…
Женската репрезентација, исто така загуби со 1,5-2,5 од фавозираната Унгарија. По триумфот над Свазиленд од 4-0, нашите девојки сега беа немоќни против Унгарките. Триумфираше единствено Стојковска на втората табла, ремизираше искусната Габриела Коскоска а загубија Бејатовиќ и Петровска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
