Македонските шахисти завршија на 48. место во конкуренција на 185 национални селекции на 43. Олимпијада која се одржуваше во Батуми, Грузија.
Македонија (43-то рангирана според рејтингот) на крајот со 13 бода (пет победи, три ремија и три порази) заврши на делба на 39. место, или 48. место според индивидуалните поени. Во денешното последно 11. коло на Олимпијадата, шахистите ремизираа (2-2) со селекцијата на Турција.
На крајот, во драматично последно коло, златото го освои Кина пред САД и Русија.
Дамите, пак, со 11 освоени бода (пет победи, едно реми и пет порази) на крајот завршија на 70. место во конкуренција на 150 национални селекции. Во денешното последно коло девојките загубија од Индонезија со 1,5-2,5.
И во женска конкуренција до златниот медал стигна Кина пред Украина и Грузија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
