Претседателот на Ла Лига Хавиер Тебас, зборуваше за можноста двајцата врвни напаѓачи Ерлинг Халанд и Килијан Мбапе идната сезона да завршат во Шпанија. Тој кажа дека трансферот на Халанд во Барселона е невозможен, додека има чувство дека Мбапе ќе стане дел од Реал Мадрид.
„Ми се чини дека Дембеле ќе си оди од Барселона и нема да остане во Шпанија. Мбапе, доколку не го продолжи договорот ќе оди во Реал Мадрид. Имам такво претчуство“, рече Тебас.
Тој додаде дек трансферот на Халанд во Барселона не е можен, но не објасни зошто.
„Трансфер на Халанд во Барселона? Тоа не е можно“, изјави Тебас.
Веројатно се мисли на тоа дека Барселона го има надминато лимитот за плати, и ќе мора и натаму да крати.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА