Украинската фудбалска легенда, Андреј Шевченко ќе ја има честа да го додели трофејот наменет за францускиот шампион.
Екс-фудбалерот на Милан и поранешен селектор на репрезентацијата на Украина ќе им го врачи трофејот на фудбалерите на Пари Сен Жермен на церемонијата што ќе се одржи по натпреварот помеѓу ПСЖ и Мец, на „Паркот на принцовите“.
Пред церемонијата ќе има спектакл кој ќе вклучува и пиротехнички настап. На свеченоста покрај Шевченко ќе присуствуваат и две легенди на ПСЖ. Станува збор за Доминик Рошет и Бернар Лама, а се планира двајцата да му ја доделат наградата на најдобриот асистент и најдобриот стрелец во француската Лига 1.
Килијан Мбапе моментално води во двете категории, па и двете награди ќе му припаднат доколку ништо не се промени во последното коло.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
