Македонскиот репрезентативен голман Дамјан Шишковски одбрани пенал во триумфот на Докса од 0-1 на гостувањето против Ахна во 15. коло од шампионатот на Кипар.
Шишковски беше одличен на голот на Докса, најзаслужен за трите бода на својот тим откако уште во 10. минута од средбата успеа да одбрани и удар од белата точка на противникот.
Единствениот гол на мечот беше дело на Садик во 21. минута од средбата.
Во 35. минута, пак, македонскиот интернационалец Душко Трајчевски заработи црвен картон и тоа откако реагираше ВАР-судијата по прегледувањето на видео снимка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
