Со денешното „реми“, Шкендија стана првиот тим кој сезонава остана непоразен на гостувањата кај Шкупи. Досега сите екипи лошо си поминуваа на ова гостување, и со порази, меѓутоа Шкендија ја смени таа традиција.
Шкендија дури имаше и победа до 88. минута по водечкиот гол на Гури во 70. минута. Меѓутоа Алварез со прекрасен погодок успеа да спаси бод и да донесе израмнување за Шкупи. За чаирчани ова беше само трет примен гол како домаќин. Но, она што е најдобро за нив е тоа што ја зголемија предноста на првото место, затоа што Академија Пандев направи кикс, па сега имаат предност од седум бодови пред „пандевци“.
Затоа традицијата продолжи за Пелистер, кој и натаму нема победа во првенството. Денеска битолчани беа поразени од Борец, и се чини дека немаат никакви шанси за опстанок во Првата лига.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
