Два натпревари на денешната програма од 3. коло во Првата македонска фудбалска лига. Шкендија по двата натпревари без порази, без сомнение, против Македонија ЃП од 17 часот посакува и трет натпревар со бодови со кои ќе ја продолжи трката за врвот од табелата на стартот од сезоната.
Тетовци во Скопје денеска патуваат во комплетен состав, а стручниот штаб за првпат во комбинација за тимот ќе го има и засилувањето во средниот ред од Албанија, Бруно Дита.
За „лавовите“, пак, Шкендија е силен мотив за позитивен резултат по оној пораз на гостувањето против Шкупи во претходното коло.
Академија Пандев по почетните два порази во новата сезона од Пелистер и од Вардар, гостува на Ренова во Тетово со отворена желба конечно да стави крај на црната првенствена серија без победа. „Пандевци“ цели 14 едноподруго натпревари, вклучувајќи ја секако и минатата сезона, не знаат за триумф во првенството од Првата лига. Последната првенствена победа за фудбалерите на Академија Пандев е запишана на 23. октомври минатата година кога славеа со 4-0 против Македонија ЃП.
ПРВА ЛИГА – 3. КОЛО (денеска, 17 ч.)
Скопје: МАКЕДОНИЈА ЃП – ШКЕНДИЈА
Тетово: РЕНОВА – АК. ПАНДЕВ
УТРЕ (17 ч.)
Скопје: ВАРДАР – СИЛЕКС
Струга: СТРУГА ТЛ – БОРЕЦ
Битола: ПЕЛИСТЕР – РАБОТНИЧКИ
ВЧЕРА
Струмица: БЕЛАСИЦА – ШКУПИ 0-2
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
