Шкендија продолжува со победи во домашниот шампионат, откако денеска во тетовското дерби ја совлада Ренова со 2-0. Победа со новиот тренер Славољуб Бубања триумфираше над Скопје со 3-2, а Работнички и Силекс ремизираа без голови на арената „Филип Втори“.
На Чаир, исто така поделба на бодовите, Шкупи и Пелистер одиграа 1-1.
Шкендија ја заврши целата работа во првото полувреме. Бесарт Ибраими во шестата минута го отвори резултатот по проигрувањето на Изаир Емини од левата страна, а Ферхан Хасани зголеми на 2-0 во 35.минута. Тој рутински со глава ја погоди мрежата, откако Алими беше во шанса, а одбраната на Ренова првично спаси на гол – линијата.
Ренова имаше свои шанси преку Валмир Нафиу и Емран Рамадани, но Захов излезе како победник во дуелите со противничките фудбалери.
Работнички и Силекс ремизираа без голови. Горан Станковски со реми ја стартуваше тренерската одисеја на клупата на „романтичарите“, а тоа е прво реми за Силекс во новиот шампионат.
Шкупи и Пелистер одиграа 1-1. Оливер Пеев во 40.минута го доведе битолскиот прволигаш во водство, но израмни Ален Јашароски во 69.минута, неколку минути откако доби шанса од клупата.
Победа славеше со 3-2 против Скопје на Могила. Гешоски во 29.минута го отвори резултатот, Џугурдиќ израмни на 1-1 во 40.минута, но Дарко Илиевски сепак ја одведе Победа со предност на одморот.
На почетокот на вториот дел, Дејан Цветаноски зголеми на 3-1, а Скопје намали со автоголот на Александар Ристевски. Сепак, во судиското продолжение Борче Маневски го постави конечниот резултат, 4-2 во корист на Победа.
ПРВА ЛИГА, 8.КОЛО – РЕЗУЛТАТИ
РАБОТНИЧКИ – СИЛЕКС 0-0
ШКЕНДИЈА – РЕНОВА 2-0
ШКУПИ – ПЕЛИСТЕР 1-1
ПОБЕДА – СКОПЈЕ 4-2
АКАДЕМИЈА ПАНДЕВ – ВАРДАР одложено
Табела: Шкендија 22, Академија Пандев 14 (-1), Вардар 13 (-2), Шкупи 12, Силекс 10, Пелистер 9, Победа 8, Работнички 6 (-1), Ренова 6, Скопје 3.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
