Македонскиот првак Шкендија потврди дека репрезентативецот Висар Муслиу го напушта клубот и прави трансфер во унгарскиот вицешампион Фехервар Мол. Централниот дефанзивец заминува пред истекот на договорот. За Шкендија настапуваше 18 месеци и освои две шампионски титули и еден трофеј во Купот на Македонија.
Муслиу одигра 62 официјални натпревари за Шкендија и постигна девет гола. Според информации од Унгарија, Шкендија за трансферот на Муслиу ќе заработи 500.000 евра, но тоа засега останува непотврдено од клубот од Тетово.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
