Италијанскиот калчолигаш Интер ја одби понудата на Манчестер јунајтед за ангажман на словачкиот интернационалец Милан Шкрињар. „Црвените ѓаволи“ понудија 65 милиони евра, но Лучијано Спалети и раководството на Интер сметаат дека тој е премногу важен играч за да биде продаден во моментот кога тимот повторно ќе настапува во Лигата на шампионите. На дефанзивецот му е понуден и нов договор до 2023 година, со подобри услови од досегашните, по што јасно е дека Шкрињар ќе остане на „Џузепе Меаца“ и во наредните пет сезони.
Според новиот договор, тој ќе заработува 2,2 милиони евра по сезона во дресот на Интер. Одбраната на „нероаѕурите“ ќе биде засилена и за Стефан Де Фрај, кој пристигна од Лацио, и најверојатно ќе му биде партнер на Шкрињар во централниот бедем пред голот. Нов едногодишен договор ќе добие и Бразилецот Миранда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА