Македонскиот кошаркарски второлигаш Шкупи побарал од раководството на КФСМ да му биде дозволено да стане дел од новоформираната заедничка лига на тимови од Косово и од Албанија. Второлигашот Албес прв искажа интерес за да стане дел од ова натпреварување, но Шкупи покренал и конкретен чекор, па сега е во исчекување на одговор од Перо Антиќ и раководството на македонската федерација.
„Како клуб Шкупи е заинтересиран, верувам дека ќе играме во оваа се-албанска лига. Ги контактиравме федерациите на Албанија и на Косово, но за да бидеме дел од ова натпреварување неопходна е дозвола од КФСМ, од каде очекуваме да ни дадат зелено светло“, истакна првиот човек на Шкупи, Енвер Мифтари, за косовските медиуми.
Пред неколку дена, Мифтари побара од раководството на КФСМ и административно да го врати Шкупи во елитното друштво, откако овој тим испадна минатата сезона завршувајќи го шампионатот без ниту една забележана победа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА