Прволигашот Шкупи имаше резултатски негативна „генералка“ пред стартот на новата сезона во Првата лига. Тимот на Адријан Нухиу загуби од косовскиот тим Приштина со 1-2 на меѓународниот пријателски натпревар што се одигра денеска на стадионот Чаир. По ’пеколни’ услови за игра, двата тима и не можеа да прикажат нешто повеќе на овој дуел.
Шкупи прв дојде во водство на натпреварот со голот на Шпенд Асани. Тој во 25.минута одлично се снајде и успеа да ја затресе мрежата на Приштина.
Во вториот дел, тренерите направија повеќе замени во своите тимови, а тоа Приштина подобро го искористи. Во 64.минута, Гутијар Манкенда го израмни резултатот, а во последните моменти од средбата Басит Калид донесе и триумф за гостите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА